Salceda de Caselas | O grupo folk Donicelas de Salceda de Caselas celebra 20 anos de andadura. O acto de aniversario vai ser o vindeiro sábado 15 de setembro a partir das 21:30 no Parque Raíña Aragonta, e no concerto o grupo contará con convidados de honra como Treixadura, Tino Baz ou a gaiteira Raquel Domínguez. Espérase que sexa un acto multitudinario no que o grupo faga un repaso polos seus 20 anos de andadura.
O lugar elexido, o parque Raíña Aragonta, non foi elexido ao azar. Xusto enfronte do parque está o CEP Altamira, colexio considerado o berce de Donicelas, pois nel naceu o grupo como unha simple actividade escolar que se consolidou unha vez que as compoñentes remataron os seus estudos de primaria.
Nestes 20 anos Donicelas ten percorrido toda a xeografía galega, e parte da portuguesa, así como as terras de Vilafranca do Bierzo. No 2005 publican o seu disco “Que nunca foi abalada” que logrou unha moi boa acollida por parte do público.
Actualmente o grupo está composto por oito persoas que se reparten os roles entre voces, percusións, gaita e acordeón, con un repertorio tradicional e variado que fai dos seus uns concertos entrañables e que están a recoller moi boa crítica. Na formación actual mantéñense catro das membras fundadoras do grupo (Tere Pérez, Noelia Martínez, Bea Pérez e Isa Troncoso). O grupo foi creando canteira, e esa canteira foi incorporándose ó grupo (Andrea Rodríguez e Rosa González), e por último chegaron os músicos que completan a formación, Jose Sanromán e Martín González, na gaita e acordeón respectivamente.
Martes, Decembro 24
A ourensá Alba Guzmán Falcón gaña por segunda vez o certame de novela curta Xuventude Crea
“Defendemos un novo status político que nos recoñeza como nación”
“Tui ten potencial para converterse nun referente europeo sobre patrimonio xudeu”
“A nosa idea non é derrotar a Ana Pontón senón entrar nos órganos directivos do BNG”
