Redondela | O Pazo de Santa Teresa albergou a presentación dos 30 pinchos participantes nesta sexta edición na que os protagonistas foron os propios hostaleiros que realizaron unha breve presentación dos seus pinchos. Nos foron achegando a súas cociñas na medida na que nos ían contando cómo se elaboran, cal é a singularidade do seu pincho, con que produtos se elabora ou cómo se lle ocorreu a idea e así descubrimos pinchos pensados para celíacos, pinchos que desafían a lei da gravidade para acabar empapados na súa propia salsa, texturas e sabores para sorprender como nunca a un prezo único de 2,75€ con consumición incluída no prezo.
Para seguir a Ruta a demais dos folletos que a clientela poderá atopar en todos os establecementos participantes na ruta poderán acceder a toda a información na APP REDONDELA DE CERCA. Unha nova aplicación para dispositivos móbiles na que ademais de toda a información sobre a ruta do Pincho poderemos atopar información sobre toda a programación cultural e de ocio de Redondela, información sobre a toda a oferta comercial, promocións, ofertas e campañas da hostalaría de Redondela.
Puntuar os pinchos ten premio, as cartillas de selado, dispoñibles nos establecementos ou na web www.empresasredondela.com, permiten participar no sorteo de relaxantes premios: unha noite para dúas persoas ho Hotel Balneario Aguas Santas, con ruta termal, visita a adega Regina Viarum e Tren turístico pola Ribeira Sacra; un pase para o circuito termal Talaso de Baiona con cea para dúas persoas e un pase para o circuito Termal do Balneario Palacio del Agua de Mondariz. Para entrar nos sorteo deste premios so serán necesarios 6 selos e poderán cubrir tantas cartillas como queiras.
