Ponteareas | O Concello de Ponteareas aprobou no pleno celebrado o 28 de xaneiro o Plan Estratéxico de Subvencións para o 2025, destinando unha cifra histórica que supera os 800.000€.
O Goberno Municipal busca mellorar a xestión das distintas políticas públicas e garantir un uso racional, eficaz e eficiente dos recursos públicos, pero tamén para que estes fondos cheguen á cidadanía e transformen a realidade social e económica á que nos enfrontamos.
O concelleiro de Economía e Facenda, Francisco Represas, explicou que “o que se busca con este Plan Estratéxico é seguir apoiando a diferentes colectivos dentro do ámbito municipal, dada a súa importancia para o tecido social, asociativo, cultural e deportivo.
O seu traballo mellora a calidade de vida dos veciños e veciñas. Sen eles, moitas actividades fundamentais para a identidade e o benestar da comunidade simplemente non serían posibles”.
As liñas estratéxicas de posible actuación recollidas no Plan son 12: Cultura, Música, Deporte, Educación, Mocidade, Terceira Idade, Turismo Social, Sanidade e Consumo, Medio Ambiente e Mobilidade, Participación Cidadá, Servizos Sociais e Vivenda e Embelecemento Urbanístico. A continuación, detállanse as actuacións recollidas neste Plan Estratéxico de Subvencións por cada unha das liñas:
Fomento da cultura:
Convenio colaboración Asociación de Alfombristas (Nominativa, 15.000€); Convenio CMVMC Xinzo (Nominativa, 2.000€); Subvencións para centros e casas culturais
(Concorrencia, 40.000€); Premio cartel promocional Corpus Christi (Concorrencia, 1.000€).
Fomento da música:
Concurso de gaitas do país (Concorrencia, 10.000€); Premios entroido (Concorrencia, 12.000€); Fundación Rogelio Groba (Nominativa, 5.000€); Convenio Banda de Música de Guláns (Nominativa, 16.000€); Convenio Banda de Música Xuvenil de
Xinzo (Nominativa, 16.000€); Convenio Banda de Música de Ponteareas (Nominativa, 8.000€).
Fomento do deporte:
Subvención apoio deporte (Concorrencia, 200.000€); Equilibrio económico Complexo Álvaro Pino. Peche COVID-19 (Nominativa, 16.602,75€); Canon anual Pavillóns Complexo Álvaro Pino (Nominativa, 14.000€); Subvención alumeado Complexo Álvaro Pino (Nominativa, 9.629,70€); Convenio de colaboración coa CMVMC Angoares (Nominativa, 3.000€).
Fomento da educación:
Axudas para a adquisición de libros e material escolar (Concorrencia, 20.000€).
Fomento do medio ambiente e mobilidade:
Convenio de colaboración Protectora de Animais “Os Biosbardos” (Nominativa, 5.000€); Convenio Deputación de Pontevedra para a recollida de animais domésticos abandonados (Nominativa, 9.300€); Premios Balcóns Floridos (Concorrencia, 825€).
Fomento da participación cidadá:
Subvencións para investimentos en traídas de augas veciñais (Concorrencia, 70.000€); Subvencións aos grupos políticos (Nominativa, 39.975€).
Fomento dos servizos sociais:
Solidariedade Galega co Pobo Saharaui (Nominativa, 6.000€); Convenio de colaboración coa asociación Afaga (Nominativa, 25.000€); Convenio de colaboración coa asociación Avelaíña (Nominativa, 10.000€);
Convenio de colaboración coa Cruz Vermella (Nominativa, 40.000€); Axudas de emerxencia social (Concorrencia, 110.000€).
Fomento de vivenda e embelecemento urbanístico:
Axudas á promoción da vivenda (Concorrencia, 90.000€).
