A Guarda | O concello da Guarda realizou obras durante o ano 2022 para rematar a terceira planta do edificio municipal con cargo ao plan concellos da Deputación de Pontevedra por valor de 141.000 €.
A planificación prevista é que os Departamentos de Servizos Sociais e Urbanismo pasen a ocupar esta terceira planta para ter centralizados practicamente todos os departamentos e servizos municipais no novo edificio consistorial.
Para que esta terceira planta poida estar operativa é necesario dotala do equipamento e mobiliario necesarios. Para este fin o concello da Guarda solicitou unha subvención á Xunta de Galicia presentando un proxecto de 48.604 €, dos cales a Xunta concedeu financiamento do 70 %, facendo fronte ao restante 30% o concello con fondos propios.
O Remate da casa dos Alonso como sede do concello forma parte da mellora dos servizos municipais. Neste caso representa un avance importante para os propios traballadores e traballadoras do concello e tamén unha importante mellora para a cidadanía que será atendida nunhas instalacións máis modernas e mellor dotadas.
