A Guarda | A Plataforma en Defensa da Sanidade Pública da Guarda súmase as mobilizacións convocadas en todo Galiza para defender a atención primaria
A Plataforma en Defensa da Sanidade Pública da Guarda convoca a veciñanza da Guarda a
sumarse o próximo mércores 26 de abril a concentración en defensa da atención primaria
que se celebrará ás 20 horas na Praza Avelino Vicente.
A Guarda participará deste xeito nas convocatorias que se celebrarán o próximo mércores
por todo Galiza convocadas por SOS-Sanidade Pública e as Plataformas en Defensa da
Sanidade Pública contra o desmantelamento da atención primaria .
Desde a Plataforma indican que as mobilizacións levadas adiante pola sociedade guardesa
conseguiron que incrementáramos o cadro de profesionais no Centro de Saúde da
localidade, pero aínda así a situación sigue sendo altamente preocupante: baixas e
vacacións sen cubrir, falta dun dobre equipo médico en urxencias ou listas de espera
inaceptábeis.
