Arbo | O Concello de Arbo, publicou as bases para o concurso de carteis cos que anunciar as festas A “LXIII Festa da Lamprea” que se atopa prevista para os días 28, 29 e 30 de abril de 2023 Este concurso ten como obxectivo deseñar o cartel para a LXIII Festa da Lamprea, promovendo así a principal festa gastronómica do Municipio.
Poderán participar no concurso todo aquel que queira facelo. O tema do cartel debe estar relacionado coas festas e axustarase a temas da Festa da Lamprea, podendo tomar parte todas aquelas persoas que o desexen, e podendo achegarse dúas obras por autor, baixo a condición que sexan traballos orixinais.
As propostas serán entregadas en soporte físico (papel, tea, cartón…) nun tamaño mínimo A3, así como en soporte dixital a máxima resolución. Cada participante poderá presentar como máximo dous carteis por participante e o prazo de presentación queda aberto ata o día 10 de xaneiro de 2023 Nos carteis deberá incluírse de maneira correcta o nome da Festa, as datas da Festa, o nome de Arbo e a edición da festa correspondente ao ano 2023: “LXIII Festa da Lamprea (28, 29 e 30 de abril de 2023.)”. O erro nalgún destes aspectos determinara a exclusión do cartel.
O concurso contempla tres premios: un primeiro premio de 800 euros para o vencedor, 400 euros para o segundo e 200 euros para os terceiros premios. Continuando coa tradición, os premios serán entregados na Gala da Lamprea, que terá lugar durante a celebración da festa do próximo ano. É condición indispensable que os gañadores estean presentes no acto para recoller o premio.
Segundo manifesta o Alcalde de Arbo, Horacio Gil, con este concurso preténdese “promocionar e promover a nosa Festa dá Lamprea, por algo se nos coñece como a Capital da Lamprea, e por que, desde hai 62 anos, celebramos esta festa culinaria, a máis antiga de Galicia”- a evidencia é que no ano 2021 o cartel anunciador foi dun artista navarro que se impuxo ante máis de trinta propostas de provenientes de toda España.
O segundo premio foise para Sevilla. No 2022 o primeiro premio do concurso foi a parar a León e o Segundo a Sevilla. “En edicións anteriores deste certame recibimos propostas provenientes desde toda a xeografía española. É un certame que ano tras ano se converteu nun referente do mesmo xeito que a nosa festa”, finalizou o alcalde. Máis información no teléfono 986 66 50 00 ou na páxina web www.festadalamprea.gal
