O Covelo | Chega o verán e con el as reunións ao redor das mellores viandas gastronómicas da nosa terra. En Abril son conscientes diso e aliáronse cos veciñanza de Covelo para lanzar unha nova campaña baixo o paraugas de “Facendo Mellor aos Mellores” coa que pretende continuar construíndo marca.
Nesta ocasión, da man dos veciños de Covelo, Betanzos e Herbón e as súas feiras gastronómicas, auténticos templos do churrasco, a tortilla e o pemento, respectivamente. E faino a través de tres creatividades cargadas de forza e poderío gastronómico.
A empresa ourensá dá voz de novo ao patrimonio gastronómico galego. Neste caso, ligado ás tradicionais conmemoracións gastronómicas tan singulares e arraigadas ao noso territorio, e aos seus verdadeiros protagonistas: Nito, alma mater da “Festa do Churrasco de Covelo”, Jorge Río, veciño de Betanzos e gañador en dúas ocasións do Concurso á Mellor Tortilla Caseira na Semana da Tortilla de Betanzos, e Milagros, presidenta da Denominación de Orixe Protexida “Pemento de Herbón. Os tres dan voz a unha mensaxe sinxela e contundente: “Somos de Churrasco”, “Somos de Tortilla”, “Somos de Pementos”, o tridente de calquera reunión estival que se prece.
O concepto creativo, desenvolto internamente pola empresa, pon de novo en valor o patrimonio gastronómico de Galicia e o esforzo, moitas veces anónimo e desinteresado dos veciños como figuras clave e verdadeiros artífices do mantemento, xeración a xeración, das nosas xoias gastronómicas.
“Quen mellor que eles para engrandecer e enxalzar o coidado das nosas tradicións culinarias? Os veciños destas poboacións son os verdadeiros heroes do mantemento de receitas e elaboracións e, eles, si que nos fan mellores”, explican desde a firma, nunha historia de amor continua con Galicia.
A campaña que arrincou este luns, 22 de Julio, e cuxo plan de medios é xestionado e planificado directamente desde a firma, conta con gráficas para exteriores e mobiliario urbano, medios dixitais, prensa escrita e redes sociais planificados e xestionados directamente pola marca.
“A esencia do churrasco é a paciencia” Nito, veterano e alma mater desta celebración teno claro, non en balde rexentou carnicerías en Covelo e Maceira. Esta festa, lémbranos Nito, comezou da forma máis insospeitada “cunha merendola de amigos na Carballeira, onde tiñamos un cartel coa única norma de obrigado cumprimento e que rezaba: proibido falar de política, de fútbol, nin problemas dá vida…aventuras, canto máis grandes e verdades, ningunhas”
E así foi crecendo ata o que é hoxe, unha auténtica exaltación do produto cárnico da Serra do Suído, límite natural, entre as provincias de Ourense e Pontevedra e onde, este xoves, 25 de xullo o volverán servir , por 43ª vez, tres mil racións de seiscentos gramos de churrasco. O alcalde de Covelo, Pablo Castillo, agradece a aceites Abril que se fixara em Covelo e trasládalle o seu parabén polo acerto desta campaña de recoñecemento das festas gastronómicas que serve para promocionar o produto local e crear a identidade do noso pobo e do mundo rural. “E por suposto a nosa felicitación e agradecemento a Nito, a súa família e ao seu equipo polo traballo e dedicación ao longo dos XLIII anos na organización e preparación do Churrasco de Covelo”.
