Santiago de Compostela | A agrupación Zua, Estudantes Independentistas, tinha programada umha palestra sob o título A vulneraçom de direitos nos juízos na Audiência Nacional espanhola contra o independentismo galego.
Tratava-se, polo tanto, dumha mera palestra informativa em termos jurídicos sobre a conculcaçom de direitos reconhecidos na própria legalidade espanhola e internacional.
A palestra estava programada para a próxima quarta-feira, 16 de fevereiro, às 20:00, na Faculdade de Geografia e História da USC (Universidade de Santiago de Compostela). Porém, o Decanato da faculdade decidiu rechaçar a sua celebraçom por entender que a atividade “é contraposta aos fins da instituiçom universitária”.
Esta decisom constitui um gravíssimo ato de censura por motivos ideológicos por parte do Decanato, um exercício de autoritarismo mais próprio da época da ditadura franquista que da atual. Enfrentamo-nos a um ataque em toda a regra à pluralidade política e ideológica e ao direito à liberdade de expressom e de auto-organizaçom do estudantado.
Convém recordar que a Faculdade de História acolheu e acolhe palestras sobre as mais diversas temáticas, convocadas por diferentes organizaçons estudantis, políticas, sociais, etc. e impartidas por todo tipo de palestrantes.
Também é importante assinalar que os Estatutos da USC reconhecem como “direitos de todos os membros da comunidade universitaria”, no seu artigo 7, “a organizaçom, promoçom e participaçom em atividades formativas, culturais, recreativas e desportivas e de extensom universitária, e a utilizaçom das instalaçons e dos serviços universitários”, ao igual que “a liberdade de expressom, associaçom, sindicaçom, reuniom, manifestaçom e greve, dentro do âmbito universitário”. A palestra ia ser impartida polo advogado Guillerme Presa e por Santiago Vigo, ex-preso independentista galego.
