Tui | O deputado provincial Roberto Álvarez Carrero asistiu hoxe en Tui á apertura dun novo curso de auxiliar de almacén promovido pola Fundación Érguete-Integración, que se enmarca no proxecto “Emprego Inclusivo”, dirixido a facilitar a inserción ou reinserción laboral de persoas con dificultades.
Na súa intervención, salientou o “enorme” labor que a entidade desenvolve desde hai dúas décadas “ao carón das persoas máis vulnerables para apoialas con atención directa, formación e asesoramento para o emprego, a fin de que, desde un itinerario personalizado, recuperen a súa dignidade humana e formen parte activa dos nosos pobos e cidades”.
Ademais de dirixirse ao alumnado, ao que animou a aproveitar esta actividade “porque a formación é a chave indispensable para abrir calquera porta”.
Roberto Carrero incidiu en que a Deputación seguirá a apoiar á fundación, “que presta este servizo fundamental para construír a sociedade que queremos, inclusiva e solidaria “, e destacou que o eido social “xa é un dos puntais da acción deste novo Goberno provincial”.
