Pontevedra | O presidente da Deputación de Pontevedra, Luís López asistiu á lectura do pregón que dá inicio á semana grande destes festexos e que este ano protagonizou Pilar Señoráns, presidenta da Asociación Veciñal de Santa María. A balconada foi o escenario deste acto.
López, tamén pronunciou a ofrenda á Virxe Peregrina e participou na tradicional procesión en honor da Virxe Peregrina, patroa da provincia, no día grande da súa festividade.
A procesión saíu do Santuario da Peregrina e discorreu polas principais rúas do centro da cidade, para finalizar de novo no citado templo.
Durante o traxecto, o presidente López estivo acompañado polo vicepresidente provincial, Rafa Domínguez, así como por deputados do goberno provincial.
