Mos | Comezaron os preparativos dunha nova iniciativa do Concello de Mos para visibilizar o pequeno comercio mosense. Unha exposición para mercar e coñecer aos comerciantes locais, que poderán expor os seus produtos, promocións, oportunidades e novidades.
O proxecto busca un encontro multisectorial do comercio con razón social en Mos, onde a cidadanía e visitantes da contorna poderán realizar compras e desfrutar dunha experiencia que fortalecerá a economía local do municipio.
A especialidade de marketing do Obradoiro Municipal de Emprego adicará os meses de verán a promover o comercio e a hostalería local, e en especial aos novos emprendedores.
As actividades de promoción culminarán coa organización dun evento no Multiusos das Pozas, o domingo día 17 de setembro.
A configuración física do Concello de Mos fai que a actividade comercial e hostaleira estea dispersa, o que dificulta a definición de áreas comerciais consolidades e recoñecibles, polo que os cidadáns acaban facendo moitas das súas compras noutros municipios.
Para mudalo, o Concello de Mos ven impulsando varias iniciativas para dar a coñecer a oferta comercial e hoteleira do seu territorio. Entre outras a través da posta en funcionamento e dinamización do espacio web “Queda en Mos”.
Agora, o Concello de Mos desexa ir un paso mais alá, e organizar o domingo día 17 de setembro un evento específico no Multiusos das Pozas, para dar a coñecer a actividade comercial e hostaleira do territorio. No evento participarán activamente 23 establecementos comerciais e hostaleiros de Mos, que desenvolverán unha actividade real, ofrecendo os seus produtos para a venta e para o consumo.
Dito evento, de utilidade pública e interese social, estará organizado polos alumnos traballadores do obradoiro dual de emprego Queda en Mos da especialidade de marketing, e serviralles como práctica profesional vinculada á formación recibida.
Os propios alumnos tamén dinamizarán a páxina web, e darán apoio específico a aqueles novos emprendedores que participen no evento e que ademais desexen mellorar sua imaxe de marca, os seus soportes promocionais ou a súa penetración en redes sociais.
As empresas interesadas en colaborar en el evento poderán inscribirse na páxina web QUEDA EN MOS (http://www.quedaenmos.es), onde xa están publicadas as bases de participación no evento e un formulario de contacto para as empresas que teñan algúnha dúbida sobre o mesmo . Ou tamén obterán información chamando ao teléfono 986487786
Dende hoxe, xa están publicadas as bases de participación na páxina web https://quedaenmos.es/ onde empresarios e empresarias do pequeno comercio poderán comprobar os requisitos de participación da mostra feiral que se celebrará o vindeiro 17 de setembro no Multiusos das Pozas de 10:00h da mañá as 21:00h. O prazo de inscrición estará aberto ata o 31 de xullo.
O formato está deseñado para aglutinar ao comercio e a hostalaría no marco dunha atmosfera de ocio, entretemento e diversión, xa que se están programando actividades musicais, infantís e artísticas.
Emprendedores e emprendedoras, comercios e profesionais da artesanía que só teñan presenza online e que estean afincados en Mos tamén son chamados a participar nesta primeira edición do evento que se estrea co nome Queda en Mos.
Con esta proposta preténdese facilitar o encontro entre comerciantes para xerar accións en común e reinventar unha nova forma de construír as relacións comerciais no territorio mosense. Dende o Concello de Mos, se anima a todos e todas que dirixan pequenos negocios a participar desta nova iniciativa.
