Salceda de Caselas | Por segundo ano consecutivo, o C.B. Caselas quixo homenaxear á memoria de Manolo Sanfer, persoa clave para o baloncesto salcedense. Para este fin o club organizou o pasado 30 de decembro o II Memorial Manolo Sanfer onde os equipos masculino e feminino da categoría cadete se deron cita no Pavillón Municipal contra o C.B. Tui. O acto contou coa presenza da familia de Manolo Sanfer.
Por outra banda ese mesmo día celebrouse a XI San Silvestre solidaria e reivindicativa, reclamando un servizo de pediatría digno e na que participaron 600 persoas. O evento contou coa colaboración da Policia Local, de Proteccion Civil, do servizo de deportes, das persoas voluntarias dos clubs deportivos e das empresas patrocinadoras.
