Monforte de Lemos | O concello de Monforte unirase un ano máis á celebración da “Semana Europea da Mobilidade”, que terá lugar entre os días 16 e 22 de setembro. O lema elixido polo Concello para esta conmemoración é: “Monforte móvese en boa dirección”.
Buscando sensibilizar á poboación, a concellería de Medio Ambiente, dirixida por Antonino Luaces, realizará durante as xornadas enmarcadas nas devanditas datas as seguintes actividades:
-Monforte en Bici: actividade que pretende fomentar o desprazamento en bicicleta e a pé pola cidade realizando, ás seis da tarde do xoves día 20, unha marcha ciclista que terá inicio e remate nas Casiñas da Compañía.
O percorrido da marcha ciclista será o seguinte: Casiñas da Compañía, Campo da Compañía, e rúas Paseo de Lugo, Carude, San Lázaro, Reboredo, Dalmiro de la Válgoma, Escultor Francisco Moure, Celso Emilio Ferreiro, avenida de Galicia, Sarria, Escultor Francisco Moure, Campo da Compañía e Casiñas da Compañía.
-Monforte sen Coche: establecerase unha zona sen tráfico dende as 8:00 ata as 20:00 horas do venres día 21. As rúas afectadas pola zona pechada ó tráfico serán Campo de San Antonio, rúa Méndez Casal, rúa Santa Clara (ata o cruce coa rúa Corredoira) e Ponte Vella.
Dende a concellería de Medio Ambiente anímase á cidadanía a participar nestas actividades e a reflexionar sobre o excesivo uso do automóbil na nosa cidade.
Sábado, Decembro 21
A ourensá Alba Guzmán Falcón gaña por segunda vez o certame de novela curta Xuventude Crea
“Defendemos un novo status político que nos recoñeza como nación”
“Tui ten potencial para converterse nun referente europeo sobre patrimonio xudeu”
“A nosa idea non é derrotar a Ana Pontón senón entrar nos órganos directivos do BNG”
