Mos | Onte comezou a acometida dos traballos de cambio a lámpadas led en 175 luminarias de alumeado público do municipio que se está a realizar tras a sinatura do Convenio do Concello de Mos coa Deputación de Pontevedra a tal fin. Esta mañá visitaron as obras o tenente alcalde e concelleiro de Obra Pública, Camilo Grandal, e o edil responsable de Alumeado Público e Eficiencia Enerxética, Evaristo Ucha.
O devandito convenio ten como finalidade a renovación das instalacións de alumeado exterior non concello de Mos, comezando onte as obras de substitución de 175 luminarias e 4 CCM´s nos viais de Campo Eiró (PO331 e viais adxacentes), San Mamede de Petelos, Cercedelo e Peinador.
Para a financiación desta optimización da eficiencia enerxética no Concello de Mos a administración local mosense obtivo axuda do IDAE (Instituto para a Diversificación e Aforro da Enerxía). En total invístense nos traballos 95.600,92 €, dos cales o IDAE (80% FEDER) aporta 76.480,73 €, o Concello 9.560,10 € e a Deputación outros 9.560,10 €.
As 175 novas luminarias que se están a instalar distribúense en 4 zonas diferentes: Campo de Eiró 41 puntos de luz. San Mamede de Petelos 78 puntos de luz. Cerdedelo 27 puntos de luz. E Peinador 29 puntos de luz.
Ademais o Concello de Mos atópase inmerso no proceso de transición ao 100% de tecnoloxía led no alumeado público polo que, ademáis da renovación actual destas 175 luminarias, a administración local mosense realiza un exhaustivo inventario que xa está contratado e tras o cal mellorarase a totalidade do seu alumeado público instalando tecnoloxía led en todas as luminarias que aínda non a teñan. Este cambio a led permitirá ao Concello cubrir o custe enerxético co aforro que suporá a devandita renovación.
O Concello de Mos adxudicou a pasada primavera a contratación dunha asistencia técnica para consultoría enerxética a unha empresa que realiza un inventario de todas as luminarias do municipio para detectar cales teñen xa sistema led e cales non para, a continuación, facer o cambio a led na súa totalidade, co obxectivo de lograr un importante aforro enerxético.
En Mos existen unhas 6.000 luminarias de alumeado público e, co fin de implementar a eficiencia enerxética municipal, preténdese sacar a concurso a adxudicación da obra de cambio a tecnoloxía led das que aínda non o teñen e tamén de aportar o subministro eléctrico. Subministro que, a partir da renovación total das luminarias, abonarase co aforro que supoña a devandita renovación; condición que incluirá xa o contrato que, no seu momento, se asine coa empresa concesionaria.
O primeiro paso deste procedemento é a realización do inventario que xa está contratado, para a continuación iniciar a contratación da obra e o servizo. A rexedora local mosense, Nidia Arévalo, estima que o procedemento poida estar rematado de cara a finais do presente ano 2023 ou comezos de 2024, tendo en conta que, desde que se adxudica o contrato, a empresa adxudicataria dispón dun prazo de 6 meses para cambiar todas as luminarias que non o sexan a sistema led. Encárgase do inventario a empresa Consultoría de Calidade Selecta (CCG), para logo implantar o modelo de xestión da iluminación pública un proxecto de mellora da eficiencia enerxética, mellora da iluminación, un plan director da rede de iluminación pública e levar a cabo dita implantación.
A asesoría enerxética contratada fará tamén inventario, ademáis das luminarias, dos cadros de mando, ou centros de control da iluminación. Detectará e proporá solución para posibles problemas de iluminación pública detectados mediante o modelo de Empresa de Servizos Enerxéticos tal e como recomenda a Directiva Europea 2006/32/CE, sobre as instalacións de iluminación pública.
O concello con este modelo non realiza ningún investimento, cos importes en gasto corrente de todas as partidas relacionadas coa iluminación pública, (enerxía, mantemento, reposicións de material, avarías, festas e nadal, etc.), menos a baixa obtida na futura licitación da xestión integral da iluminación pública obtén a solución a todos os problemas antes mencionados.
As vantaxes que obtemos con este modelo e que solucionan, por parte da empresa de servizos enerxéticos, os devanditos problemas son: Aforro económico desde a firma do contrato pola baixa obtida na licitación. Legalización do contrato de enerxía ao traspasar a titularidade dos contratos de subministración. Ausencia de incidencias coas facturas eléctricas. Desaparece por parte da administración a necesidade de control e de empregar persoal para o devandito labor. Aforro exponencial por non afectar a subida no custo de enerxía, durante os dous primeiros anos, ao non haber por lei revisión de prezos. Os seguintes anos revisión por índices oficiais só por de o 50% dos
KWH realmente consumidos. Renovación dos cadros de mando, coa súa posterior legalización e OCA correspondente por entidade autorizada por Industria. Renovación a tecnoloxía LED de todos os puntos de luz existentes no municipio. Engadindo todos os puntos de luz que o concello estime oportuno, por necesidade de iluminación ou por demanda dos veciños. Posibilidade de incorporar, se o concello estímao oportuno, unha segunda renovación das instalacións antes da finalización do contrato para que o municipio atópese cunha instalación renovada antes da finalización do contrato.
Mantemento de todas as instalacións municipais de iluminación, seguindo o protocolo fixado no prego técnico e con garantía total das mesmas durante a duración do contrato. Renovación a tecnoloxía LED todos os puntos de luz dos centros deportivos, con mantemento e garantía. Os contratos de enerxía seguen sendo de titularidade municipal. Encárganse da iluminación do Nadal, incrementando motivos e cambiándoos todos os anos. Aforro económico, aforro de licitacións anuais. Mellora estética constante da iluminación. Encárganse dos cadros de mando provisionais e dos boletíns das festas do pobo. Resumindo, obtense aforro económico, legalización de contratos e instalacións, bo servizo de iluminación e máis eficiente, ausencia de responsabilidade civil e risco tecnolóxico debido á garantía total do contrato. É o modelo mais garantista para o concello.
Inventario
A asistencia técnica para o inventario consiste na caracterización de todas as instalacións da iluminación pública do municipio, con xeoposicionamiento de todos os centros de mando e puntos de luz. Lectura e medición dos centros de mando. Análise destes, inventariando as necesidades para a súa renovación e posterior legalización. Inventariado de todos os puntos de luz, por centro de mando, rúa, potencia instalada, tipo de luminaria, etc. Estudos lumínicos por tipo de rúas.
Análises da facturación de todas as subministracións da iluminación municipal. – Inventariado de todos os puntos de luz dos centros deportivos. Estudo económico calculando o investimento necesario para a optimización e legalización das instalacións. Xunto co estudo da capacidade de aforro, unha vez realizada o investimento, calculamos a rendibilidade e baixa mínima esperada do contrato.
Informe de necesidade e memoria xustificativa do proxecto para o inicio do expediente. Informe de viabilidade do proxecto. Redacción do borrador de prego de cláusulas administrativas. Redacción do prego técnico. Informe de valoración das ofertas técnicas recibidas polos licitadores. O importe do contrato deste inventario ascende a 11.500 € máis IVE.
