Salvaterra de Miño | A Comisión pola Recuperación da Memoria Histórica do Baixo Miño, O Condado e A Louriña informa da inauguración dun novo monumento en Alxén (Salvaterra) o próximo domingo 22 de outubro, ás 11.30 h.
A asociación leva anos traballando pola recuperación da memoria histórica e, alén doutros traballos e actividades, dedicámonos especialmente a sinalizar, reivindicar e dignificar os nomes das persoas inxustamente paseadas, asasinadas, encarceradas na guerra civil.
Esta vez vaise sinalizar na Baixiña, en Alxén, o lugar onde apareceron 5 persoas asasinadas das que descoñecemos aínda o seu nome e procedencia.
Este é o 5º monumento que levantamos para recordar a tantas víctimas na zona en que actuamos como agrupación de anteriores asociacións que só traballaban a nivel local. Demos un paso adiante e confederámonos baixo o nome que arriba indico.
