Ponteareas | As fortes precipitacións e dificultades meteorolóxicas dos últimos días de 2022 e comezos deste novo ano deixaron fortes secuelas na fisonomía urbana e rural de Ponteareas, con numerosos desprendementos de terra e árbores en diversos viais.
Outros camiños e espazos urbanos, como o Complexo Deportivo Álvaro Pino, foron anegados debido á acumulación de auga e ao desbordamento do río Tea e os seus afluentes.
O complexo deportivo debeu pechar as súas instalacións o luns 2 de xaneiro debido á inundación sufrida.
Protección Civil e os servizos de emerxencia están actuando naqueles puntos afectados polo temporal.
