Tomiño/PPdeG | Lara Meneses, candidata polo Partido Popular á alcaldía de Tomiño, inaugura a súa lista electoral con Manuel Vila e Arturo Romero. Manuel Vila foi secretario da traída de augas do barrio de Gándara durante 6 anos, así como secretario da Comunidade de Montes en man común de Barrantes e da súa asociación veciñal e cultural. Directivo fundador da A. D. Tomiño, sendo o seu tesoureiro durante 11 anos, actualmente preside o Tomiño F. C.
Outra das persoas que pasasen a engrosar a lista popular para as próximas eleccións é Arturo Romero, quen foi membro da primeira promoción do Seprona, fundador no Baixo Miño e Xefe da Unidade durante máis de 15 anos, sumando así máis de 38 anos de experiencia en materia de Seguridade Pública e en especial en Protección da Natureza. Aínda que xa retirado da xestión pública, pon a súa experiencia ao dispor da cidadanía de Tomiño da man do Partido Popular.
O PP de Tomiño presenta así aos primeiros integrantes da súa lista electoral encabezada por Lara Meneses, dando prioridade a perfís con dilatada experiencia na xestión pública.
