Tui | O Alcalde de Tui, Moisés Rodríguez Pérez, recibiu ao novo Director da Agrupación Europea de Cooperación Territorial Galicia–Norte de Portugal (AECTGNP), Juan José Lirón Lago, para analizar o funcionamento neste primeiro mes da eurocidade Tui – Valença, constituída formalmente o pasado 10 de febreiro.
No decurso da xuntanza ambos responsables coincidiron en sinalar a importancia deste proxecto que poder aportar para ambas cidades o acceso a fondos europeos. Neste sentido analizaron a necesidade de abordar conxuntamente con Valença a elaboración de proxectos de mutuo interese para a Eurocidade de cara a preparar diversas candidaturas a programas europeos como, por exemplo, Programa Operativo de Cooperación Transfronteriza España – Portugal (POCTEP) que no vindeiro ano abrirá un novo período de presentación de proxectos.
O director da Agrupación Territorial expresoulle ao alcalde a total dispoñibilidade desta agrupación para colaborar cos concellos de Tui e Valença neste aspecto. Neste ámbito trataron tamén da presentación en Bruxelas desta Eurocidade e as posibles áreas de mutua cooperación para abordar na capital da Unión Europea.
Para o Alcalde de Tui esta visita que realizaba o responsable de AECTGNP testemuña o interese que a conformación desta Eurocidade, que xa leva traballando conxuntamente dende hai varios anos con positivos resultados, suscita en numerosas instancia como exemplo de cooperación transfronteiriza entre administracións locais.
Xoves, Novembro 21
“Para galeguizar o país debemos procurar novos axentes e unha política lingüística de maior periodicidade”
“O goberno de AporM pecou de non saber tender a man e de tentar impoñer só o seu criterio”
“A actual configuración municipal de Galicia non é viable a medio e longo prazo”
“En Balneario estamos sacando matrícula de honra na integración dos refuxiados”
