Salvaterra de Miño | O Concello de Salvaterra de Miño, en colaboración coa Comunidade de Montes de Fornelos, vén de rematar a segunda fase de rehabilitación do que era a antiga Casa da Sociedade, na parroquia de Fornelos.
Estas obras tiveron unha inversión total de máis de 25.000 euros cos cales se encintou e lavou a fachada ademáis de preparar os pisos do interior da edificación. Co remate destas accións avánzase na rehabilitación integral do edificio, cun gran valor histórico e sentimental para esta parroquia, e con fin último de que sexa un punto de referencia á hora de desenvolver actividades culturais e sociosanitarias para veciños.
