O Porriño | O deporte volverá ocupar este verán a praza Arquitecto Antonio Palacios. Co fin de promover a actividade física e dar unha alternativa de ocio saudable á veciñanza, profesionais cualificados impartirán clases de Zumba e Pilates para quen queira gozar do fresquiño da última hora dos días de verán facendo deporte.
Esta actividade forma parte da oferta de ocio do Concello e desenvolverase de forma gratuíta, aberta e sen necesidade de inscrición previa. As clases de pilates impartiranse todos os mércores de xullo e agosto, de 21h a 22h, e as de zumba os martes e xoves, tamén de 21 a 22h.
